Сіздерді 1 мамыр – Қазақстан халқының бірлігі күнімен шын жүректен құттықтаймын!
Бұл күн – біздің баға жетпес байлығымыз, мемлекетіміздің берік іргетасы болып табылатын берекелі бірлігіміз бен мызғымас татулығымыздың символы. Ел Президенті Қасым-Жомарт Тоқаевтың «Бірлігіміз – әралуандықта» деген қағидаты бүгінде жаңа Қазақстанды құру жолындағы негізгі темірқазығымызға айналды. Бір шаңырақ астындағы ауызбіршілік – біздің кез келген қиындықты еңсеріп, биік белестерді бағындыруымыздың кепілі.
Ақтау – Каспий жағалауындағы татулықтың мекені. Біздің қаламызда түрлі этнос өкілдері ортақ мақсат жолында еңбек етіп, қаламыздың гүлденуіне үлес қосып келеді. Осы бірлік пен келісім – әрбір ақтаулық отбасының тыныштығы мен ырысының көзі.
Қадірлі жерлестер!
Осы жарқын мерекеде әр шаңыраққа бақ-береке, ырыс пен ынтымақ тілеймін. Еліміз тыныш, жұртымыз аман, бірлігіміз бекем болсын! Қасиетті Қазақстан топырағында бейбітшілік пен келісім мәңгі салтанат құрсын!
Мереке құтты болсын!
Құрметпен, Ақтау қаласының әкімі Әбілқайыр Байпақов
Ақпарат көзі : https://www.gov.kz/memleket/entities/akimat-goroda-aktau/press/news/details/1213916?lang=kk
Жауап қалдыру