Бүгін Төлеби ауданының әкімі Еркеғали Әлімқұлов тұрғындарды жеке мәселелері бойынша қабылдап, халықпен ашық диалог өткізді.
Қабылдауға келген азаматтар өздерін толғандырған өзекті мәселелерін жеткізіп, тиісті сала басшыларының қатысуымен нақты жауаптар алды. Атап айтқанда, газ құбырын жылжыту, жер құжаттарын заңдастыру, жеке тұрғын үй құрылысына жер телімін алу мәселелері көтерілді. Сонымен қатар, жер дауына қатысты күрделі жағдайлар да қаралып, заң аясында зерделеу үшін жауапты бөлімдерге нақты тапсырмалар берілді. Екпінді елді мекенінің тұрғыны ауыз су мәселесін көтеріп, бұл түйткілдің маңыздылығы ерекше атап өтілді. Аудан әкімі Еркеғали Амантайұлы жауапты мекемелерге нақты шаралар қабылдауды тапсырды.
Қабылдау барысында бірде-бір өтініш назардан тыс қалмай, әрбір мәселе бойынша түсіндірме берілді. Тиісті сала басшыларына көтерілген мәселелерді бақылауға алып, нақты нәтижеге қол жеткізу міндеттелді.
Төлеби ауданы әкімінің баспасөз қызметі
Ақпарат көзі : https://www.gov.kz/memleket/entities/turkestan-tolebi-audany/press/news/details/1213886?lang=kk
Жауап қалдыру