Бүгін аудан әкімі Медет Ысқақовтың төрағалығымен кезекті аппараттық жиын өтті. Күн тәртібінде ауданның дамуы мен ішкі тәртібіне қатысты бірқатар маңызды мәселелер қаралды.
📋 Қарастырылған мәселелер:
1️⃣ Атқарушылық тәртіптің жай-күйі
Аудан әкімі аппаратының басшысы Нұркен Сақтағанов мемлекеттік органдардағы тапсырмалардың орындалу барысы мен мерзімдері туралы баяндады. Аудан басшысы тапсырмаларды сапалы әрі уақытылы орындау – мемлекеттік қызметшінің басты міндеті екенін атап өтті.
2️⃣ Ішкі саясат және тілдерді дамыту
бөлімінің басшысы Ырысбай Аяшов аудандағы қоғамдық-саяси тұрақтылықты сақтау, мемлекеттік тілдің қолданыс аясын кеңейту бойынша атқарылған жұмыстар мен алдағы жоспарлармен бөлісті. Идеологиялық жұмыстар мен ақпараттық насихат шараларына басымдық берілді.
3️⃣ Сәулет және құрылыс саласы
Аудандық сәулет, құрылыс және қала құрылысы бөлімінің басшысы Арайбек Тәжібеков құрылыс нысандарының барысы мен ауданның сәулеттік келбетін жақсарту жоспарлары туралы есеп берді. Аудандағы жаңа жобалар мен инфрақұрылымды дамыту мәселелері талқыланды.
4️⃣ Санитарлық тазалық – басты назарда
Жиын барысында елді мекендерді санитарлық тазалау, көркейту-көгалдандыру жұмыстары жеке қаралды. Аудан басшысы ауылдардың тазалығы мен эстетикалық түрін сақтау бойынша ауылдық округ әкімдеріне нақты тапсырмалар жүктеді. 🧹🌱
Жиын қорытындысы бойынша Медет Ысқақов бөлім басшылары мен ауыл әкімдеріне жұмыс сапасын арттыруды және тұрғындарды толғандыратын мәселелерді жедел шешуді тапсырды.
Ақпарат көзі : https://www.gov.kz/memleket/entities/aktobe-martuk/press/news/details/1214610?lang=kk
Жауап қалдыру