27 сәуір күні облыстық халық шығармашылығы орталығының сахнасында қазақ кәсіби өнерінің көрнекті өкілі, Қазақ КСР-інің еңбек сіңірген өнер қайраткері, музыкатанушы, педагог, домбырашы Хабидолла Тастановтың 100 жылдық мерейтойына арналған республикалық домбырашылар байқауы жоғары деңгейде өтіп, жеңімпаздар мен жүлдегерлер марапатталды

Байқауға еліміздің Астана, Алматы, Шымкент, Петропавл, Маңғыстау, Атырау, Қарағанды, Көкшетау, Қостанай, Қызылорда, Орал, Өскемен, Павлодар және Ақтөбе қалаларынан 30-ға жуық үміткер қатысып, өз өнерлерін ортаға салған болатын.

Өнер додасы ұлттық күй өнерін дәріптеп, жас орындаушылардың шеберлігін шыңдайтын тағылымды алаңға айналды.

Ақпарат көзі : https://www.gov.kz/memleket/entities/aktobe-arhiv/press/news/details/1214770?lang=kk