1941–1945 жылдардағы сұрапыл соғыс адамзат тарихындағы ең ауыр кезеңдердің бірі болды. Миллиондаған адамның өмірін жалмаған Ұлы Отан соғысы халықтың қайсарлығы мен бірлігін сынға салды. Осындай қиын кезеңде майдан даласында ерлік көрсеткен батырлардың арқасында 1945 жылдың 9 мамырында Жеңіс туы желбіреп, бейбіт өмірдің таңы атты. Ұлы Жеңіс – тек тарихи дата ғана емес, ол елдің рухын, батыр бабалардың жанқияр ерлігін айқындайтын қасиетті күн. Қазақ халқы да бұл жеңіске зор үлес қосты. Майданға аттанған мыңдаған қазақстандықтар ерлік пен батылдықтың үлгісін көрсетті. Тылдағы еңбеккерлер күндіз-түні еңбек етіп, майданды азық-түлікпен, киім-кешекпен және қажетті құралдармен қамтамасыз етті. Бүгінгі бейбіт өмір – сол батырлардың жанқиярлығы мен төзімінің жемісі. Сондықтан Ұлы Жеңіс күні – ардагерлерге тағзым етіп, олардың ерлігін ұрпақ жадында мәңгі сақтау күні. Жас ұрпақ Отанды сүюді, ел тыныштығын бағалауды және бірлікті сақтауды осы тарихи күн арқылы үйренеді. Жеңіс туы мәңгі желбірей берсін! Еліміз аман, жұртымыз тыныш болсын!Ақпарат көзі : https://www.gov.kz/memleket/entities/turkistan-enbek/press/news/details/1216735?lang=kk
Жауап қалдыру