Ақтауда «Сатып алу құқығымен жалға берілетін тұрғын үй» бағдарламасына қатысуға өтінім қабылдау басталады

Ақтау қаласында «Қазақстан тұрғын үй компаниясы» АҚ желісі бойынша сатып алу құқығымен жалға берілетін тұрғын үй бағдарламасына қатысуға өтінім қабылдау басталады.

Өтінім қабылдау мерзімі:
2026 жылғы 12 мамыр – 25 мамыр сағат 17:00-ге дейін (қоса алғанда).

Құжат қабылдау мекенжайы:
Ақтау қаласы, 4-шағын аудан, №72 ғимарат, «Азаматтарды қабылдау орталығы».

Бағдарламаға Ақтау қаласы бойынша «Тұрғын үймен қамтамасыз ету орталығы» электрондық базасында тұрғын үйге мұқтаж ретінде есепте тұрған Қазақстан Республикасының азаматтары мен қандастар қатыса алады.

Бағдарлама шарттары:
• Тұрғын үй түрі – сатып алу құқығымен жалға берілетін тұрғын үй;
• Жалға беру мерзімі – 20 жылға дейін;
• Сыйақы мөлшерлемесі – жылдық 3,1 %;
• Бастапқы жарна талап етілмейді;
• Жалға алу құны – 1 ш.м. үшін 2 490 теңге;
• Қалдық құны бойынша мерзімінен бұрын сатып алу мүмкіндігі қарастырылған;
• Жалға беру мерзімі аяқталғаннан кейін тұрғын үй жалға алушының меншігіне өтеді.

Тұрғын үйлердің орналасуы:
Ақтау қаласы, 29А шағын аудан, №170, 171, 172, 173 үйлер (“Adal Town” ТҮК).

Пәтерлер саны – 86:
• 1 бөлмелі – 46;
• 2 бөлмелі – 17;
• 3 бөлмелі – 23.

Ай сайынғы төлем мөлшері:
• 1 бөлмелі пәтер – 92 885 теңгеден бастап;
• 2 бөлмелі пәтер – 150 908 теңгеден бастап;
• 3 бөлмелі пәтер – 210 176 теңгеден бастап.