Алаяқтар үнемі өз схемаларын өзекті жаңалықтарға, пайдаланушылардың мінез-құлқына және қазіргі сатып алу белсенділігіне бейімдейді.
— Саяжай маусымының басталуымен бақша тауарларын сататын интернет-дүкендерге ұқсатып жасалған фишингтік сайттар көбейіп жатыр. Пайдаланушыларға бензин аралары, жылыжайлар, тыңайтқыштар мен техника өте төмен бағамен ұсынылады. Алайда олар толық алдын ала төлем талап етеді. Төлем жасалғаннан кейін тауар жеткізілмейді, ал сайт жұмысын тоқтатады, — деп хабарлады Павлодар облысының Полиция департаменті.
❗️Мұндай схемалар жыл сайын қайталанады. Жазда — саяжай мен туризм, күзде — оқу маусымына дайындық, қыста — жеңілдіктер мен сыйлықтар, көктемде — билеттер мен жолдамалар.
Алаяқтар сұранысты өздері тудырмайды, олар тек адамдардың бар қызығушылығын пайдаланып, соған бейімделеді. Сондықтан маусымдық сұраныспен сәйкес келетін кез келген «тиімді ұсынысты» қосымша тексеру қажет.
Ақпарат көзі : https://www.gov.kz/memleket/entities/mvd-pavlodar/press/news/details/1217934?lang=kk
Жауап қалдыру