Қала қалыпты тіршілігін жалғастырып жатқанда, олар әрбір ұсақ деталь қылмыстың бетін ашуға себеп болуы мүмкін жерлерде жұмыс істейді. Криминалистер үшін саусақ ізі, көзге әрең көрінетін аяқ киім ізі немесе оқиға орнындағы микробөлшек тұтас бір оқиғаны баяндап бере алады.
Үржар аудандық полиция бөлімінің аға криминалисі Қанат Шыныбаевтың жұмыс күні кабинеттен емес, кез келген сәтте оқиға орнына аттануға дайындықтан басталады. Оның қызметінде бірдей күндер мен дайын үлгілер болмайды — әр хабарлама барынша мұқияттылықты, зейінділік пен кәсіби шеберлікті талап етеді.
Оқиға орнын қарау, айғақтарды тіркеу, сараптамалық техникалармен жұмыс істеу, фото және бейнетүсірілім жүргізу, іздерді алу, қылмыстарды ашуға қатысу — мұның барлығы криминалистің күнделікті жұмысының бір бөлігі ғана. Тергеудің әрі қарайғы барысы көбіне оның әрекеттерінің сапасына байланысты болады.
«Біздің міндетіміз — көзге көрінбей қалуы мүмкін нәрсені байқау. Кез келген ұсақ-түйек күдіктіге апаратын жол болып, болған оқиғаның көрінісін қалпына келтіруге көмектесуі мүмкін», — дейді Қанат Шыныбаев.
Ол ішкі істер органдарындағы қызметін 2014 жылы ҚР ІІМ Алматы академиясын тәмамдағаннан кейін бастаған. Алғашқы тәжірибесін Өскемен қаласында жинақтап, бір жылдан соң туған жері Үржарға оралып, қазіргі таңда аға криминалист ретінде қызметін жалғастырып келеді.
Бұл мамандықтың сырт көзге байсалды көрінгенімен, оның артында зор жауапкершілік, аналитикалық ойлау қабілеті және қателіктің құны тым жоғары болатын жағдайда атқарылатын күнделікті еңбек жатыр.
Бүгінде криминалистер — жай ғана сарапшылар емес, ақиқатты анықтап, жазаның бұлтартпауын қамтамасыз етуге көмектесетін нағыз «ғылым детективтері».
Криминалистің бір күні — кейін дәлелге айналатын жүздеген детальдан тұрады.
Ақпарат көзі : https://www.gov.kz/memleket/entities/mvd-abay/press/news/details/1221564?lang=kk
Жауап қалдыру