Алдағы демалыс күндері полиция қызметкерлері өңірдің автожолдарында жолаушыларды заңсыз тасымалдауды бақылауды күшейтеді. Полицейлердің айтуынша, заңсыз тасымалдау азаматтардың қауіпсіздігіне үлкен қауіп төндіреді, өйткені мұндай жүргізушілер міндетті медициналық тексеруден өтпейді және автокөліктердің рейс алдындағы техникалық жағдайына бақылау жасалмайды.
Полицейлер заңсыз тасымалдаушылар мерекелерден кейін түнгі уақытта мобильді қосымшалар арқылы жолаушыларды тауып жолға шығып жататыны сирек емес екенін атап айтады.
Осындай фактілердің бірі ағымдағы жылдың 16 мамырында Астана – Петропавл автожолының 251 шақырымында таңғы сағат 9 шамасында анықталды. Құжаттарды тексеру үшін полиция қызметкерлері Hyundai маркалы көлікті тоқтатты.
Сөйлесу барысында жолаушылар Көкшетаудан Астанаға бара жатқаны және жүргізушіге сапар үшін 5 мың теңгеден төлегені белгілі болды.
Жүргізушінің өзі ақшалай сыйақы үшін адамдарды тасымалдау фактісін жоққа шығармады, бірақ заңсыз кәсіпкерлік қызмет үшін жауапкершілік туралы білмейтінін айтып түсіндірді. Оған қатысты әкімшілік хаттама жасалды.
Полицияның мәліметінше, мұндай бұзушылықтар көбінесе демалыс күндері, қалааралық сапарлар ағыны көбейген кезде тіркеледі. Осыған байланысты трассалардағы бақылау күшейтілетін болады.
Жыл басынан бері 200-ден астам заңсыз тасымалдаушы жауапқа тартылды.
Полицейлер азаматтарды тек тексерілген және ресми такси қызметтерін пайдалануға, сондай-ақ олардың қауіпсіздікке байланысты кездейсоқ жүргізушілерге сенбеуге шақырады.
Ақпарат көзі : https://www.gov.kz/memleket/entities/mvd-akmola/press/news/details/1222668?lang=kk
Жауап қалдыру