Жазғы маусымның басталуымен көшелер мен аулаларда демалушылар саны ғана емес, сонымен қатар мүліктік қылмыс жасау қаупі де артады. Ақмола полицейлері өңір тұрғындарын велосипед ұрлау фактілерінің жиілеп кеткендігі туралы ескертеді.
Зиянкестер көбінесе тұрғын үйлердің кіреберістерінде қараусыз қалған велосипедтерді ұрлайды. Арнайы құрылғылардың болмауы және еркін қол жетімділік мұндай жерлерді ұрылар үшін ең оңай нысанаға айналдырады. Сондай-ақ, велосипедтер көбінесе аулаларда, дүкендердің жанында және басқа да қоғамдық орындарда қалып жатады.
Полицейлердің айтуынша, жыл басынан бері өңірде 25-тен астам велосипед ұрлығы тіркелген. Статистика қылмыстардың жартысына жуығы екі доңғалақты көлікті күдіктілер кедергісіз алып кеткен фактілер тұрғын үйлердің кіреберістерінде жасалғанын көрсетіп отыр.
Өткен демалыс күндері полиция қызметкерлері құны 60 мың теңгеден асатын спорттық велосипед ұрлығын ашты. Велосипед тұрғын үйдің кіреберісінен ұрланған. Жедел-іздестіру іс-шаралары барысында көлік табылып, иесіне қайтарылды.
Айта кету керек, биыл полицейлер Көкшетау және Степногорск қалаларында велосипедтердің сериялық ұрлығының бетін ашты.
Алдын алу мақсатында тәртіп сақшылары азаматтарға велосипедтерді қысқа уақытқа да қараусыз қалдырмауға, ұрлыққа қарсы сенімді құрылғыларды пайдалануға және мүмкіндігінше екі доңғалақты көлікті жабық үй-жайларда сақтауға кеңес береді.
Ақпарат көзі : https://www.gov.kz/memleket/entities/mvd-akmola/press/news/details/1222663?lang=kk
Жауап қалдыру