Адам құқықтары жөніндегі уәкіл Артур Ластаев М.Х. Дулати атындағы Тараз университетінің студенттерімен кездесті.
Дәріс барысында адам құқықтарын қорғаудың ұлттық жүйесін дамыту мәселелері, жаңа Конституциядағы азаматтардың құқықтары мен бостандықтарының кепілдіктері, сондай-ақ мемлекеттік басқаруда адамға бағдарланған қағидаттарды қамтамасыз етудің заманауи тәсілдері қаралды.
Артур Ластаев Омбудсмен институтының қызметіне кеңінен тоқталып, «Адам құқықтары жөніндегі уәкіл туралы» Конституциялық заң қабылданғаннан кейін құқық қорғау институтының өкілеттіктері едәуір кеңейгенін, сондай-ақ Омбудсменнің өңірлік өкілдері өз жұмысын бастағанын атап өтті.
Баяндаманың жеке бөлігі Қазақстанның адам құқықтары саласындағы халықаралық міндеттемелеріне, БҰҰ тетіктерімен өзара іс-қимылына және елдің халықаралық құқық қорғау алаңдарына қатысуына арналды.
Кездесу барысында сондай-ақ жастардың құқықтық мәдениеті, құқықтық ағартудың маңызы және студенттерді қоғамдық әрі құқық қорғау қызметіне тарту мәселелері талқыланды.
Іс-шара сұрақ-жауап сессиясымен аяқталды.
Ақпарат көзі : https://www.gov.kz/memleket/entities/ombudsman/press/news/details/1223981?lang=ru
Жауап қалдыру