ШҚО полицейлерінің қырағылығы зейнеткерді алаяқтардан құтқарып қалды
Өскемен қаласының 87 жастағы тұрғыны телефон алаяқтарының құрбаны бола жаздады. Белгісіз адамдар өздерін ҰҚК және Ұлттық банк қызметкерлері ретінде таныстырып, әйелді ақшасын «қауіпсіз шотқа» аударуға көндірмек болған.
Әңгіме барысында алаяқтар зейнеткерге психологиялық қысым көрсетіп, қорқытуға тырысқан. Шығын көлемі 1 миллион 400 мың теңге болуы мүмкін еді.
Абырой болғанда, Өскемен қалалық полиция басқармасының қызметкерлері дер кезінде алаяқтықтың алдын алды.
Полицейлер жедел түрде оқиға орнына келіп, егде жастағы әйелді сабырға шақырды. Сондай-ақ олар алаяқтармен телефон арқылы сөйлесуді жалғастырып, қылмыстық жоспарларын жүзеге асырмастан тоқтатты.
Полиция қызметкерлері: құқық қорғау органдарының, банктер мен мемлекеттік мекемелердің шынайы қызметкерлері ешқашан телефон арқылы ақша аударуды талап етпейді және жеке деректерді, кодтар мен банк картасының мәліметтерін сұрамайтынын ескертеді.
Егер сізге осындай қоңырау түссе — әңгімені бірден тоқтатып, полицияға хабарласыңыз.
Бұл оқиға азаматтардың қырағылығы мен полицейлердің жедел әрекетінің қаншалықты маңызды екенін қайта дәлелдеді.
ШҚО ПД баспасөз қызметі
Ақпарат көзі : https://www.gov.kz/memleket/entities/mvd-vko/press/news/details/1225507?lang=ru
Жауап қалдыру