ALTAI телеарнасының «Жаңа Қазақстан» бағдарламасында Мемлекеттік еңбек инспекциясы комитетінің Шығыс Қазақстан облысы бойынша департаментінің басшысы Қизатов Бақытбек Құрманбекұлы жұмысшылардың негізгі құқықтары мен міндеттерін түсіндірді.
Оның айтуынша, әрбір қызметкер қауіпсіз еңбек жағдайына, еңбекақының уақтылы әрі толық төленуіне, сондай-ақ демалысқа, соның ішінде жыл сайынғы еңбек демалысы мен белгіленген демалыс күндеріне құқылы. Сонымен қатар жұмысшылар өз еңбек құқықтарының сақталуын талап етуге және жұмыс беруші тарапынан заңсыз әрекеттерден қорғануға құқылы.
Сонымен бірге қызметкерлер еңбек тәртібін сақтауға, өз міндеттерін сапалы әрі белгіленген мерзімде орындауға, ішкі еңбек тәртібі ережелерін және еңбек қауіпсіздігі талаптарын орындауға міндетті екені айтылды.
Осылайша, қызметкерлердің құқықтары мен міндеттерін сақтау — тұрақты әрі заңды еңбек қатынастарының негізгі негізі болып табылады.
Ақпарат көзі : https://www.gov.kz/memleket/entities/vko-enbek/press/news/details/1224243?lang=ru
Жауап қалдыру