.

Өскемен қалалық мәслихатында кезекті сессия өтті, оның барысында депутаттар қаланың әлеуметтік-экономикалық дамуының бірқатар өзекті мәселелерін қарады.

Күн тәртібіндегі негізгі мәселелердің бірі Өскемен қаласының 2025 жылғы бюджетінің атқарылуы туралы есепті қарау болды.

Шығыс Қазақстан облысы бойынша Тексеру комиссиясының есебінде бюджеттің атқарылуына кешенді баға берілді, әлеуметтік-экономикалық даму нәтижелері, бюджеттің кіріс және шығыс бөліктерінің орындалуы, сондай-ақ бюджеттік бағдарламалар мен инвестициялық жобаларды іске асырудың тиімділігі көрсетілді.

Қарау қорытындысы бойынша кірістерді жоспарлау сапасын арттыру, салықтық әкімшілендіруді жетілдіру, бюджеттік өтінімдерді сапалы қалыптастыруды қамтамасыз ету, ведомстволық бағынысты ұйымдар жұмысының тиімділігін арттыру, сондай-ақ кредиторлық және дебиторлық берешектің өсуіне жол бермеу бойынша ұсынымдар қабылданды.

Ақпарат көзі : https://www.gov.kz/memleket/entities/ukmaslihat/press/news/details/1226601?lang=ru