Ағымдағы жылдың 22 мамыр күні Департамент басшысы А.М.Латыпованың ұйымдастыруымен ҚР Бас прокуратурасының құқықтық статистика және арнайы есепке алу жөніндегі Комитетінің Ақтөбе облысы бойынша департаментінің өтініштерді бақылау бөлім прокуроры Айжан Серикқызы Жаманбаевамен департамент ұжымымен кездесу ұйымдастырылды. Жиналыс барысында Қазақстан Республикасының Әкімшілік рәсімдік-процестік кодексіне (ӘАПК) сәйкес мемлекеттік органдарға келіп түскен өтініштер міндетті түрде тіркеліп, заңда белгіленген мерзімдерде қаралуы. Өтініш келіп түскен күннен бастап ол тіркеуге алынып, жауапты орындаушыға жолданады. Жалпы тәртіп бойынша өтінішті қарау мерзімі – 15 жұмыс күні. Сонымен қатар, азаматтардың құқықтары мен заңды мүдделерін қорғау мақсатында өтініш иесіне қабылданған шешім туралы уақтылы және негізделген жауап берілуі тиістігін мәлімдеді. Мемлекеттік органдарда өтініштерді тіркеу мен қарау мерзімдерінің сақталуы ашықтық пен заңдылық қағидаттарын қамтамасыз етілу керектігі түсіндірілді.
Департамент басшысы А.М.Латыповамен Сыбайлас жемқорлық құқық бұзушылықтардың алдын алу мақсатында Қазақстан Республикасы Президентінің 2015 жылғы 29 желтоқсандағы № 153 Жарлығымен бекітілген мемлекеттік қызметшілердің Әдеп кодексінді, «Сыбайлас жемқорлыққа қарсы іс-қимыл туралы» Қазақстан Республикасының Заңының талаптарын сақтауды қайта ескертті.
Ақпарат көзі : https://www.gov.kz/memleket/entities/dkmfk-aktobe/press/news/details/1226702?lang=ru
Жауап қалдыру