Аудан әкімінің міндетін уақытша атқарушы Нұрпеис Ақбаев Теректі елді мекенінде бой көтеріп жатқан жабық үлгідегі жылдам салынатын модульдік спорт залдың құрылыс жұмыстарымен танысты.
Аталған нысан ауыл тұрғындарының, әсіресе жастардың спортпен тұрақты түрде айналысуына қолайлы жағдай жасау мақсатында жүзеге асырылуда.
Құрылыс жұмыстарын «Sharbak» ЖШС-і жүргізуде. Ал техникалық қадағалаушы мекеме ретінде «Qazaqstan Expert» ЖШС-і бекітілген.
Нысанның құрылыс жұмыстары 2025 жылдың қыркүйек айында басталған, жақын арада пайдалануға беріледі.
Нысанды аралау барысында аудан әкімінің міндетін уақытша атқарушы құрылыс жұмыстарының сапасына, мерзімінде аяқталуына ерекше назар аударып, жауапты сала мамандары мен мердігер мекеме өкілдеріне тиісті тапсырмалар берді.
Бәйдібек ауданы әкімінің баспасөз қызметі
Ақпарат көзі : https://www.gov.kz/memleket/entities/turkestan-baidibek-audany/press/news/details/1226063?lang=kk
Жауап қалдыру