«Таза Қазақстан» экологиялық акциясы аясында елордалық Белсенді ұзақ өмір сүру орталығы әлеуметтік нысан аумағын көгалдандыру жұмысына қатысты. Ағаш отырғызу шарасына Алматы және Сарайшық аудандарындағы күміс еріктілер орталық қызметкерлерімен бірге қатысты, деп хабарлайды Астана әкімдігінің ресми сайты.
Жұмыс алдағы уақытта жасыл желекке айналатын әлеуметтік нысан аумағында жүргізілді.
Экологиялық акцияға қатысушылар 20 түп жаңа ағаш отырғызды. Уақыт өте келе олар жайлы әрі көрікті жасыл ортаның бір бөлігіне айналады.
Мұндай шаралар қоршаған ортаны жақсартуға ықпал етіп қана қоймай, ұрпақтар сабақтастығын нығайтып, табиғатқа және туған қалаға жанашырлықпен қарауға үндейді.
Ақпарат көзі : https://www.gov.kz/memleket/entities/astana/press/news/details/1226844?lang=ru
Жауап қалдыру