Ақмола облысы әкімінің орынбасары Амренова Алтынай Байкадамовна Шортанды ауданына жұмыс сапары барысында азаматтарды жеке қабылдап, онда мектептердің күрделі жөндеуі, медицина қызметкерлерін тұрғын үймен қамтамасыз ету және әлеуметтік инфрақұрылымды дамыту мәселелері қаралды.
Сонымен қатар, сапар аясында облыс әкімінің орынбасары Шортанды аудандық орталық ауруханасына барып, стационардағы күрделі жөндеу жұмыстарының барысымен танысты. Қазіргі таңда құрылыс-монтаж және әрлеу жұмыстары бекітілген кестеге сәйкес жүргізілуде, негізгі жұмыстар бойынша артта қалушылық жоқ.
Бірінші қабатта гипсокартонмен қабырғаларды қаптау жұмыстары аяқталып, әрлеудің соңғы қабатын жағу және беттерді дайындау жұмыстары жалғасуда. Екінші және үшінші қабаттарда терезе блоктарын демонтаждау және орнату жұмыстары жүргізілуде, олар аяқталғаннан кейін ішкі әрлеу, линолеум төсеу және ойықтарды бітеу жұмыстары басталады.
Сондай-ақ желдету жүйесін орнату жұмыстары толық аяқталған, бұл келесі кезеңдегі әрлеу жұмыстарына көшуге мүмкіндік береді. Желдету жабдықтарының жеткізілуі 2026 жылғы 15 маусымға дейін күтілуде.
Сапар қорытындысы бойынша жөндеу жұмыстарын сапалы әрі уақтылы аяқтау бойынша тиісті тапсырмалар берілді.
Ақпарат көзі : https://www.gov.kz/memleket/entities/aqmola-shortandy/press/news/details/1226935?lang=ru
Жауап қалдыру