Шортанды кентінде Ақмола облысы прокурорының орынбасары Бақтыбекұлы Марат жұмыс сапары барысында салынып жатқан көппәтерлі тұрғын үйдің құрылыс барысымен танысты.

Нысанға жүргізілген аралау кезінде құрылыс жұмыстарының сапасы, орындалу қарқыны және белгіленген мерзімге сәйкестігі қаралды.

Іс-шараға аудан әкімі мен аудан прокуроры да қатысты. Жауапты мамандар нысанда атқарылып жатқан жұмыстардың қазіргі жағдайы бойынша ақпарат берді.

Қазіргі таңда көппәтерлі тұрғын үйдің құрылысы аяқталу кезеңіне жақындап, нысанды пайдалануға беру бағытында соңғы әрлеу және инженерлік жүйелерді іске қосу жұмыстары жүргізілуде. Жоба белгіленген жоспарға сәйкес аяқталуға жақын.

Ақпарат көзі : https://www.gov.kz/memleket/entities/aqmola-shortandy/press/news/details/1227134?lang=ru