БАТЫС ҚАЗАҚСТАН — І ДӘРЕЖЕЛІ ЖЕҢІМПАЗ!

Астана қаласында өткен республикалық «Жарқын болашақ» қазақ тілі олимпиадасында Батыс Қазақстан облысының оқушылары жоғары нәтиже көрсетіп, жалпыкомандалық есепте

І дәрежелі орынды иеленді!

«БІЛІМ-ИННОВАЦИЯ» халықаралық қоғамдық қоры мен «Дарын» республикалық ғылыми-практикалық орталығы ұйымдастырған білім бәйгесіне еліміздің үздік оқушылары қатысып, бақ сынады. Облыс намысын қорғаған оқушылардың жетістігі — сапалы білім мен табанды еңбектің нәтижесі

I орын иегерлері:

Сағынғали Нұрәмір — Орал қаласындағы “Білім-инновация” мектеп-лицей-интернатының 10 сынып оқушысы, «Білгірлер бәйгесі» бағыты, қазақ тобы;

Кумаев Ильмир — Орал қаласы №25 жалпы орта білім беретін мектебінің 10 сынып оқушысы, «Сөз шеберлері» бағыты, өзге ұлт тобы;

Олжағали Мансур — Қаратөбе ауданы Б. Қаратаев атындағы жалпы орта білім беретін мектебінің 7 сынып оқушысы, «Әнші бұлбұлдар» бағыты, қазақ тобы.

II орын:

Буянов Вадим — Орал қаласы №51 жалпы орта білім беретін мектебінің 10 сынып оқушысы, «Білгірлер бәйгесі» бағыты, өзге ұлт тобы.

III орын иегерлері:

Кумаров Ернұр — Жәнібек ауданы №1 мектеп-лицейінің 10 сынып оқушысы, «Бейнелеушілер» бағыты, қазақ тобы;

Жәкібай Каусар — Бөрлі ауданы, Ақсай қаласы №6 мектеп-лицейінің 8 сынып оқушысы, «Жас қаламгер» бағыты, қазақ тобы.

Сонымен қатар, Облыстық дарынды балаларға арналған Абай атындағы мамандандырылған мектеп-гимназия-интернатының 11 сынып оқушысы Үмбетқали Бекарыс Ш.Мұртаза атындағы Тараз университетінің «Педагогика және психология» білім беру бағдарламасы бойынша грант иеленді.