Еліміздегі алдыңғы қатарлы шаруашылықтардың бірі, Ақмола облысы Целиноград ауданындағы “Родина” серіктестігі биылғы көктемгі егіс науқанын табысты аяқтады.
Шаруашылықта көктемгі дала жұмыстары 11 мамырда басталған болатын. Науқанға 90 бірлік ауыл шаруашылығы техникасы жұмылдырылды. Оның ішінде 36 трактор, 29 егіс кешені, 12 тырма және 13 культиватор бар.
Өндірістік үдерістің жоғары деңгейде ұйымдастырылуы, мамандардың үйлесімді жұмысы және агротехникалық шаралардың жедел орындалуының арқасында егіс жұмыстары агротехникалық талаптарға сай оңтайлы мерзімде жүргізілді.
Науқан аясында 50 мың гектар егіс алқабына ауыл шаруашылығы дақылдары себілді. Егіс құрылымының негізгі бөлігін дәнді дақылдар құрайды. Атап айтқанда, бидай 30 343 га, арпа 2 040 га, сұлы 250 га, жасымық 1 010 га жерге егілді.
Мал шаруашылығының жем-шөп қорын нығайту мақсатында мал азықтық дақылдарға да едәуір көлемде жер бөлінді. Мәселен, судан шөбі 5 100 га, жоңышқа 45 га, сүрлемдік жүгері 1 750 га алқапқа себілді.
Майлы дақылдардың ішінде зығыр 5 525 га жерге орналастырылды. Сонымен қатар, картоп 30 га, көкөніс дақылдары 5 га аумаққа егілді.
Егіс науқанының табысты аяқталуына кәсіпорынның жоғары техникалық жарақтандырылуы, өндірістік үдерістердің тиімді ұйымдастырылуы және еңбек ұжымының кәсібилігі негіз болды.
«Родина» ЖШС агроөнеркәсіп кешенінің тұрақты дамуын қамтамасыз етуге өз үлесін қоса отырып, өсімдік шаруашылығына заманауи технологияларды енгізу арқылы еліміздегі алдыңғы қатарлы ауыл шаруашылығы құрылымдарының бірі ретінде өз жұмысын белсенді жалғастырып келеді.
Ақпарат көзі : https://www.gov.kz/memleket/entities/moa/press/news/details/1227729?lang=ru
Жауап қалдыру