Орал қаласындағы Жайық Арена спорт кешенінде өткен Senat Open III Ашық кубогы 1/4 финалында білім саласының қызметкерлері алғаш рет бақ сынап, жоғары деңгейдегі ойын өрнегін көрсетті.
20-ға жуық ұстаз бен сала мамандары қатысқан додада білім беру саласының өкілдері өздерінің тек кәсіби ғана емес, зияткерлік қабілеттерінің де мықты екенін дәлелдеді.
Турнир қорытындысы бойынша:
І орын — Хамидуллин Досымхан, Қаратөбе ауданы Қ.Жұмалиев атындағы Қаратөбе мектеп-гимназиясының математика пәні мұғалімі.
ІІ орын — Галиев Руслан, Орал қалалық білім беру бөлімінің “№17 жалпы орта білім беретін мектебі” тарих пәні мұғалімі.
ІІІ орын — Бекжанов Оралбек, Батыс Қазақстан индустриалды колледжінің өндірістік оқыту шебері.Жалпы, білім саласының қатысушылары өзге салалармен салыстырғанда өте жақсы нәтиже көрсетіп, алғашқы қатысуларының өзінде жоғары дайындықтарын танытты.
Ұстаздардың бұл жетістігі — білім мен парасаттың, табандылық пен логикалық ойлаудың айқын көрінісі.
Қатысушыларға алдағы ойындарда сәттілік пен жаңа жеңістер тілейміз!
Ақпарат көзі : https://www.gov.kz/memleket/entities/bko-bilim/press/news/details/1227394?lang=kk
Жауап қалдыру