Бүгін Шал ақын ауданының «Кәкімбек Салықов атындағы орта мектебі» КММ базасында Солтүстік Қазақстан облысының педагогтарын, білім беру ұйымдарының басшыларын және әдістемелік қызмет мамандарын біріктірген «Ауыл мектебі – сапа алаңы» – білім беру сапасын артырудың ресурстары ретіндегі өзара әрекеттесу» атты облыстық семинар өтті.
Семинар кәсіби диалог, тиімді тәжірибелермен алмасу және заманауи ауыл мектебін дамытуда жаңа шешімдер іздеу үшін ашық алаңға айналды.
Қатысушыларды облыстық және аудандық білім беру өкілдері құттықтап, негізгі бағдарды белгіледі: бүгінгі ауыл мектебі – бұл білім беру кеңістігі ғана емес, сонымен қатар мүмкіндіктер, инновациялар мен сапалы өзгерістер аумағы.
Семинардың практикалық бөлігі ерекше қызығушылық тудырды. Қонақтар мектептің білім беру ортасымен экскурсиялық маршруттар мен шеберлік сыныптары арқылы танысты:
✨ робототехника және бағдарламалау;
✨ «Ұлттық мұра және заманауи технология: Қыз балалардың шығармашылық әлеуетін дамыту» көркем еңбектің заманауи технологиялары;
✨ зертханалық жабдықтармен жұмыс;
✨ «Кішкентай ғалымдар» бастауыш сынып оқушыларының ғылыми жобалары;
✨ кітапханалық білім беру кеңістігі;
✨ «Жасыл желек» биологиялық алаң және гидропоника.
Онлайн-сабақтар мен шебер-сыныптар аясында педагогтар оқытудың заманауи тәсілдерін, STEM-технологияларды интеграциялауды, цифрлық шешімдерді және тірек және шағын жинақты мектептер арасындағы қашықтықтан өзара іс-қимыл мүмкіндіктерін ұсынды.
Жоба Microsoft Teams цифрлық платформасы арқылы жүзеге асырылады, ол білім беру процесінің барлық қатысушылары арасында заманауи, ыңғайлы және тиімді өзара әрекеттесуді қамтамасыз етеді. Бұл платформаны пайдалану сапалы оқытуды, әдістемелік сүйемелдеуді және педагогтердің кәсіби ынтымақтастығын ұйымдастыруға кең мүмкіндіктер ашады.
Кездесудің қорытындысы ашық кері байланыс болды, онда қатысушылар өз тәжірибелеріне енгізуге дайын маңызды идеялармен бөлісті.
«Ауыл мектебі-сапа алаңы» – бұл жай ғана жоба емес. Бұл ауыл мектептерінде білім сапасын өзгертуге мүмкіндік.
Ақпарат көзі : https://www.gov.kz/memleket/entities/edu-shalakynroo/press/news/details/1228067?lang=kk
Жауап қалдыру