Құрметті аудан тұрғындары!
Сіздерді барша мұсылман қауымы үшін қадірлі де қасиетті Құрбан айт мерекесімен шын жүректен құттықтаймын!
Құрбан айт – адамзатты ізгілікке, мейірім мен жанашырлыққа үндейтін, ынтымақ пен бірлікті нығайтатын ұлық мереке. Бұл күндері халқымыз ата-бабадан жалғасқан асыл дәстүрлерді дәріптеп, мұқтаж жандарға қол ұшын созып, қайырымдылық жасауды сауапты іс деп біледі.
Мемлекет басшысы Қасым-Жомарт Кемелұлы Тоқаев:
«Бұл – имандылық пен мейірімділіктің, адамгершілік пен адалдықтың, жанашырлық пен жауапкершіліктің мән-маңызын арттыра түсетін мейрам. Айт күндері мұқтаж жандарға жақсылық жасап, көмек көрсету – ата-бабаларымыздан жалғасып келе жатқан игі дәстүр. Халқымыздың берекелі бірлігі осындай ізгі құндылықтардың арқасында нығая түседі», – деп атап өткен болатын.
Расында, Құрбан айт – татулық пен бауырмалдықтың, кешірім мен кеңпейілділіктің мерекесі. Осындай ізгі құндылықтар қоғамымыздағы тұрақтылық пен ынтымақты одан әрі бекемдей түседі.
Осынау қасиетті мейрамда әр шаңыраққа амандық, бақ-береке, молшылық пен қуаныш тілеймін! Еліміз тыныш, жұртымыз аман, бірлігіміз бекем болсын!
Құрбан айт қабыл болсын!
Ақпарат көзі : https://www.gov.kz/memleket/entities/kyzylorda-syrdarya/press/news/details/1229389?lang=ru
Жауап қалдыру