Жұлашева Айгүл Егінбайқызы – Павлодар облысы Аққулы ауданының санитариялық-эпидемиологиялық бақылау басқармасының санитариялық-эпидемиологиялық бақылау, қызметті жоспарлау және талдау бөлімінің басшысы. Қазақстан Республикасының санитариялық-эпидемиологиялық қызметіне 35 жылдан астам уақытын арнаған тәжірибелі маман.
Еңбек жолын 1990 жылы Павлодар медициналық училищесін «Санитариялық фельдшер» мамандығы бойынша тәмамдағаннан кейін бастаған. Қызмет барысында эпидемиолог көмекшісінен құрылымдық бөлімше басшысына дейінгі кәсіби жолдан өтіп, терең білімі мен мол тәжірибесінің арқасында білікті, жауапты және өз ісіне принципшіл маман ретінде танылды.
2025 жылдың ақпан айынан бастап санитариялық-эпидемиологиялық бақылау, қызметті жоспарлау және талдау бөлімін басқарады. Оның жетекшілігімен халықтың санитариялық-эпидемиологиялық саламаттылығын қамтамасыз ету, жұқпалы аурулардың алдын алу және санитариялық-эпидемиологиялық бақылау саласындағы қызметті жетілдіру бағытында жүйелі жұмыстар жүргізілуде.
Көп жылғы адал еңбегі мен Қазақстан Республикасының денсаулық сақтау жүйесін дамытуға қосқан елеулі үлесі үшін Қазақстан Республикасы Денсаулық сақтау министрлігінің «Денсаулық сақтау ісіне қосқан үлесі үшін» төсбелгісімен, Қазақстан Республикасының Бас мемлекеттік санитариялық дәрігерінің Құрмет грамотасымен, Павлодар облысы әкімінің Алғыс хатымен және Лебяжі ауданы әкімінің Құрмет грамотасымен марапатталған.
Әріптестері Айгүл Егінбайқызын жоғары кәсібилігі, біліктілігі және адамдарға деген ілтипатты қарым-қатынасы үшін ерекше құрметтейді.
#МеніңСүйіктіДәрігерім
Ақпарат көзі : https://www.gov.kz/memleket/entities/departament-kkbtu-pavlodar/press/news/details/1237457?lang=ru
Жауап қалдыру