26 мамыр мен 26 маусым аралығында өтетін Халықаралық нашақорлыққа және есірткі бизнесінің заңсыз айналымына қарсы айлықтың ашылуына орай Абай облысы Полиция департаменті мен Абай облысының әкімдігі ерекше форматтағы ауқымды флешмоб ұйымдастырды.
Бұл жолы жастар жай ғана акцияға қатысқан жоқ — олар қоғамға үн қатты. Бір мақсат, бір үн, бір жүрек болып біріккен 1000 жас алаң төрінде алып «STOP» сөзін бейнелеп, есірткіге қарсы батыл ұстанымдарын көрсетті. Аспаннан қарағанда анық көрінетін бұл көрініс — болашаққа жасалған үндеу, өмірді таңдаған жастардың символына айналды.
Флешмобтың басты идеясы — «Бір адамның таңдауы — бір тағдыр, ал мыңдаған жастың таңдауы — тұтас ұлттың болашағы» деген маңызды ойды жеткізу. Олар «Есірткіге STOP де!» ұранын тірі композиция арқылы әсерлі жеткізді.
Бұл — жай акция емес. Бұл — үнсіз айқай.Бұл — жастардың өмірді таңдауы.Бұл — болашақ үшін күрес.
Қазіргі таңда нашақорлық — тек бір адамның мәселесі емес, тұтас қоғамның дерті. Сондықтан Абай облысы Полиция департаменті ұйымдастырған бұл бастама жастардың санасына серпіліс беріп, салауатты өмір салтын насихаттаудың тың үлгісіне айналды.
Алаңда тұрған 1000 жастың жүрегі бір ырғақпен соқты. Олардың әрқайсысы «STOP» сөзінің бір әрпі секілді — біріккенде ғана үлкен күшке айналатынын дәлелдеді. Себебі болашақ — есірткісіз өмірді таңдаған жастардың қолында.
«Есірткіге STOP де!» — бұл жай сөз емес.
Бұл — өмірді таңдаған ұрпақтың дауысы.
Ақпарат көзі : https://www.gov.kz/memleket/entities/mvd-abay/press/news/details/1236379?lang=ru
Жауап қалдыру