Әлеуметтік көмек алу құқығы адамның негізгі құқықтарының бірі болып табылады. Қазақстан Республикасында мемлекет өмірлік қиын жағдайға тап болған, мүгедектігі бар, еңбекке қабілеттілігінен айырылған, балаларды тәрбиелеп отырған, зейнеткерлік жасқа толған немесе заңнамада көзделген басқа да санаттарға жататын адамдарға қолдау көрсетеді.
Әлеуметтік көмек лайықты өмір сүру деңгейін қамтамасыз етуге, әлеуметтік теңсіздікті төмендетуге және халықтың ең осал топтарын қолдауға бағытталған. Әр адамның әлеуметтік қолдау шаралары, оларды тағайындау тәртібі және ұсыну шарттары туралы сенімді ақпарат алуға құқығы бар.
Егер адам әлеуметтік көмек алу құқығы бұзылған деп есептесе, ол Қазақстан Республикасындағы Адам құқықтары жөніндегі уәкілге және оның өкілдеріне жүгіне алады. Омбудсмен өтініштерді қарайды, бұзылған құқықтарды қалпына келтіруге жәрдемдеседі, мемлекеттік органдарға ұсынымдар жібереді және адам құқықтарын қорғау тетіктерін жетілдіруге ықпал етеді. Бұл қызмет әлеуметтік қолдаудың қолжетімділігін арттыруға және әлеуметтік құқықтарды сақтау кепілдіктерін нығайтуға көмектеседі.
Әлеуметтік көмек алу құқығын қорғау-әлеуметтік әділеттілікті қамтамасыз етудің, адамның қадір-қасиетін қолдаудың және заңнамалық деңгейде бекітілген әлеуметтік мемлекет қағидаттарын іске асырудың маңызды шарты.
Ақпарат көзі : https://www.gov.kz/memleket/entities/ombudsman-karaganda-oblysy/press/news/details/1236021?lang=ru
Жауап қалдыру