Бүгін, 5 маусым – Дүниежүзілік қоршаған ортаны қорғау күніне орай Қостанай облысының мектептері «NECO» экологиялық клубы» қоғамдық қоры бастамашы болған жәндіктерге арналған үйшіктер орнату бойынша әлемдегі ең ауқымды акцияға қатысты.
Экологиялық бастамаға облыстың 40-тан астам мектебі қатысты. Акцияның мақсаты – биоалуантүрлілікті сақтау, тозаңдандырушы жәндіктерді қолдау және өскелең ұрпақтың экологиялық жауапкершілігін қалыптастыру.
Оқушылар, педагогтер және ата-аналар өз қолдарымен жәндіктерге арналған үйшіктер жасап, оларды мектеп аумақтарына орнатты. Мұндай үйшіктер экожүйені сақтауда және өсімдіктерді тозаңдандыруда маңызды рөл атқаратын пайдалы жәндіктер үшін қауіпсіз орта қалыптастырады.
Орнатылған әрбір үйшік – табиғатты қорғауға және планетамыздың болашағына қамқорлық жасауға қосылған шағын, бірақ маңызды үлес.
#ТазаҚазақстан #ВсемирныйДеньОкружающейСреды
Ақпарат көзі : https://www.gov.kz/memleket/entities/kostanai-bilim/press/news/details/1236468?lang=ru
Жауап қалдыру