4 маусым – Мемлекеттік рәміздер күніне орай, аудан орталығы Переметный ауылындағы Бейбітшілік және келісім саябағында “Рәміздер- Тәуелсіздіктің тұмары!” атты салтанатты шара өтті. Мемлекеттік туымыз көтеріліп, әнұран орындалып іс-шара шымылдығы ашылды. Елдік пен егемендікті ұлықтаған бұл күннің аясында ауданымыздың дамуына, қоғамдық келісім мен ұлттық құндылықтардың дәріптелуіне зор үлес қосып жүрген бірқатар белсенді азаматтар марапатталды.
Аудан әкімі М. Тоқжанов құттықтау сөз сөйлеп,өз атынан ел игілігі үшін аянбай еңбек етіп, өңірдің қоғамдық-мәдени өміріне белсене араласқан жерлестерімізге арнайы алғыс хаттар табыстады.
Барша марапат иелерін лайықты құрметтерімен құттықтаймыз!
Еліміздің игілігі мен ауданымыздың гүлденуі жолындағы еңбектеріңізге береке, отбасыларыңызға амандық тілейміз!
Ақпарат көзі : https://www.gov.kz/memleket/entities/bko-baiterek/press/news/details/1235618?lang=ru
Жауап қалдыру