Текелі қаласында қоғамдық көлік инфрақұрылымын дамыту мақсатында және тұрғындардың өтініштерін ескере отырып, биыл 30 жаңа автобус аялдамасын орнату жоспарланып отыр. Бұл жұмыстар сәуір айынан басталған, – деп хабарлайды Жетісу облысы әкімінің баспасөз қызметі.
Қала әкімдігінің мәліметінше, бүгінгі таңда автобус аялдамаларын орнатуға арналған 15 алаң дайындалды. Оның ішінде ең ұзын Қонаев көшесі бойында 9 аялдама павильоны толық орнатылды.
Қала тұрғындары атқарылған жұмыстарға ризашылығын білдірді.
– Көшеміз жөнделіп, жол бойына жаңа аялдамалар қойылып жатыр. Аялдамалардың тек сыртқы келбеті көрнекті ғана емес, жаңбырда да, ыстықта да, суықта да жолаушыларға қолайлы болатындай жайлы. Автобустар уақыт-уақытымен жүріп тұр. Жол қатынасынан еш қиындығымыз жоқ. Бізге өмір сүруге керекті қолайлы жағдайлар жасалғанына ризамыз, – текелілік Гүлнар Биқожанова.
Жалпы, өткен жылы облыста тұрғын үймен 3 807 отбасы қамтылса, биыл 3 мың адамға үй беру жоспарланған.
Жетісу облысы әкімінің баспасөз қызметі.
Фотограф: Дмитрий Ерофеев
Ақпарат көзі : https://www.gov.kz/memleket/entities/zhetysu-tekeli/press/news/details/1239343?lang=ru
Жауап қалдыру