Әуезов ауданы әкімінің аппаратында Алматы қаласының атмосфералық ауаны қорғау қағидаларын іске асыру мәселелері бойынша шағын және орта бизнес өкілдерінің қатысуымен кеңейтілген ақпараттық-консультациялық кеңес өтті.
Кездесуге Әуезов ауданы әкімінің аппараты, Алматы қаласы Экология және қоршаған орта басқармасының, Экология департаментінің, Кәсіпкерлік және инвестициялар басқармасының, санитариялық-эпидемиологиялық бақылау қызметінің, табиғат қорғау полициясының, сондай-ақ «Eco Almaty» ЖШС өкілдері қатысты.
Жиын барысында Алматы қаласындағы атмосфералық ауаның қазіргі жай-күйі, зиянды шығарындыларды азайту жөніндегі қабылданып жатқан шаралар, атмосфералық ауаны қорғаудың жаңа қағидалары және олардың кәсіпкерлік нысандарына қойылатын талаптары түсіндірілді.
Сонымен қатар кәсіпкерлерге қатты отынды пайдаланудан кезең-кезеңімен бас тарту, шығарындыларды тазарту жүйелерін орнату, экологиялық заңнама талаптарын сақтау және қоршаған ортаға түсетін жүктемені азайту мәселелері бойынша түсіндіру жұмыстары жүргізілді.
Кездесу қорытындысы бойынша қатысушылар өздерін қызықтырған сұрақтарға жауап алып, экологиялық талаптарды сақтау бағытындағы алдағы жұмыстардың негізгі бағыттарымен танысты.
Ақпарат көзі : https://www.gov.kz/memleket/entities/almaty-auezov/press/news/details/1241146?lang=ru
Жауап қалдыру