Ағымдағы жылдың 15 маусымында аудандық әкімдіктің мәжіліс залында аудандық мәслихат төрағасы Қаримова Ж.С.-ның төрағалығымен аудандық мәслихаттың кезекті сессиясы өтті. Сессия жұмысы Facebook платформасы арқылы тікелей эфирде көрсетілді.
Сессия жұмысына Мамлют ауданының әкімі Степаненко Е.Ф., Солтүстік Қазақстан облысы Тексеру комиссиясының мүшесі Тұрсынов Т.К. (Zoom платформасы арқылы бейнеконференция режимінде), ауылдық округ әкімдері, мемлекеттік мекемелердің басшылары және бұқаралық ақпарат құралдарының өкілдері қатысты.
Депутаттардың қарауына ұсынылған негізгі мәселе – Мамлют ауданының, Мамлютка қаласының және 11 ауылдық округтің 2025 жылғы бюджетінің атқарылуы туралы мәселе болды.
Аудандық бюджеттің 2025 жылғы атқарылуы туралы есеппен экономика және қаржы бөлімінің басшысы Нұрмұқанов Самат Аманжолұлы сөз сөйледі.
Солтүстік Қазақстан облысы Тексеру комиссиясының Мамлют ауданының жергілікті бюджеттерінің атқарылуы жөніндегі есебі бойынша Тексеру комиссиясының мүшесі Тұрсынов Т.К. баяндама жасады. Бюджет қаражатының ең көп игерілмеу себептері туралы депутаттарға құрылыс, тұрғын үй-коммуналдық шаруашылық, жолаушылар көлігі және автомобиль жолдары бөлімінің сектор меңгерушісі Панченко С.Ю. ақпарат берді.
2025 жылғы бюджеттің атқарылуы бойынша қорытынды баяндамамен және оны бекіту туралы ұсыныспен аудандық мәслихаттың бюджет, халық шаруашылығы салаларын реформалау және экология мәселелері жөніндегі тұрақты комиссиясының төрағасы Бекенов К.Ж. сөз сөйледі.
Сондай-ақ сессия барысында келесі мәселе қаралды:
Солтүстік Қазақстан облысы Мамлют ауданы мәслихатының 2025 жылғы 22 желтоқсандағы № 50/3 «Солтүстік Қазақстан облысы Мамлют ауданының 2026–2028 жылдарға арналған бюджетін бекіту туралы» шешіміне өзгерістер мен толықтырулар енгізу туралы.
2026–2028 жылдарға арналған аудандық бюджетке енгізілген өзгерістер мен толықтырулар туралы экономика және қаржы бөлімінің басшысы Нұрмұқанов С.А. хабардар етті.
Қаралған барлық мәселелер бойынша тиісті шешімдер қабылданды.
Ақпарат көзі : https://www.gov.kz/memleket/entities/maslihat-mamlyut/press/news/details/1241659?lang=ru
Жауап қалдыру