Бүгін Мұнайлы аудандық полиция басқармасы аудан аумағында жастар арасында нашақорлықтың алдын алу және салауатты өмір салтын насихаттау мақсатында бірқатар профилактикалық іс-шаралар ұйымдастырды.
Іс-шара барысында полиция қызметкерлері тұрғындармен және жастармен түсіндіру жұмыстарын жүргізіп, есірткі заттарын қолданудың зияны мен оның қоғамға тигізетін кері әсері туралы ақпарат берді. Сонымен қатар қатысушыларға арнайы дайындалған ақпараттық буклеттер мен жадынамалар таратылды.
Профилактикалық шараның қорытынды кезеңі Батыр ауылында өткен концерттік бағдарламамен жалғасты. Іс-шараға аудан жастары, мемлекеттік органдардың өкілдері және жергілікті тұрғындар қатысты.
Кездесу барысында қатысушыларға салауатты өмір салтын ұстанудың маңыздылығы, жастардың денсаулығын сақтау және нашақорлыққа қарсы күресте қоғамның бірлескен әрекетінің қажеттілігі жөнінде айтылды.
Мұндай іс-шаралар жастар арасында құқықтық мәдениетті қалыптастыруға, зиянды әдеттердің алдын алуға және салауатты өмір салтын насихаттауға бағытталған.
https://www.instagram.com/reel/DZfrrGLIKZn/?utm_source=ig_web_copy_link&igsh=MzRlODBiNWFlZA==
Ақпарат көзі : https://www.gov.kz/memleket/entities/mvd-mangystau/press/news/details/1241005?lang=ru
Жауап қалдыру