Гарбуз Наталья Анатольевна – санитариялық-эпидемиологиялық қызметтің тәжірибелі маманы және мемлекеттік қызметші, халық денсаулығын қорғау ісіне отыз жылдан астам өмірін арнаған кәсіби маман.
Наталья Анатольевна еңбек жолын 1995 жылы Павлодар медициналық училищесін «Гигиена, санитария және эпидемиология» мамандығы бойынша тәмамдағаннан кейін бастады. Оның кәсіби қалыптасуы Щербақты аудандық санитариялық-эпидемиологиялық қызметінде өтті. Мұнда ол энтомологтың көмекшісі, санитариялық дәрігердің көмекшісі, кейін жетекші маман қызметтерін атқарды. 2021 жылы Инновациялық Еуразия университетін «Биология» мамандығы бойынша бітіріп, кәсіби дамуға, білімін үнемі жетілдіруге деген ұмтылысын дәлелдеді.
Наталья Анатольевна еңбек жолының барлық кезеңінде таңдаған мамандығына адал болып, өңірдің санитариялық-эпидемиологиялық әл-ауқатын қамтамасыз етуге, жұқпалы аурулардың алдын алуға және қоғамдық денсаулықты қорғау саласындағы мемлекеттік саясатты іске асыруға белсенді қатысып келеді.
Қазіргі уақытта Наталья Анатольевна Щербақты аудандық санитариялық-эпидемиологиялық бақылау басқармасының санитариялық-эпидемиологиялық бақылау, жоспарлау және қызметті талдау бөлімінің бас маманы болып қызмет атқарады. Оның мол практикалық тәжірибесі, өз ісіне адалдығы мен қызметтік міндеттеріне жауапкершілікпен қарауы қызмет жұмысының тиімділігін қамтамасыз ететін сенімді негіз болып табылады.
Көпжылдық адал еңбегі үшін Наталья Анатольевна Қазақстан Республикасының Бас мемлекеттік санитариялық дәрігерінің Құрмет грамотасымен марапатталған.
Ұжымда Наталья Анатольевнаны кәсіби біліктілігі, адамгершілігі және жас мамандармен тәжірибесін бөлісуге әрдайым дайын тұратын жанашырлығы үшін жоғары бағалайды.
#МеніңСүйіктіДәрігерім
Ақпарат көзі : https://www.gov.kz/memleket/entities/departament-kkbtu-pavlodar/press/news/details/1242133?lang=ru
Жауап қалдыру