Департамент басшысы қызметкерлермен жұмыс кеңесін өткізді. Кеңес барысында қызметтің өзекті мәселелері қаралып, алдағы кезеңге арналған басым міндеттер айқындалды. Қызметкерлердің құқықтық сауаттылығын арттыру жөніндегі іс-шараларды іске асыру аясында 1 шілдеден бастап күшіне енетін Қазақстан Республикасының Жаңа Конституциясының ережелерін зерделеуге ерекше назар аударылды. Кеңес барысында негізгі конституциялық жаңашылдықтар, олардың құқықтық маңызы және қолданудың практикалық аспектілері жан-жақты қарастырылды. Мемлекеттік органдар қызметін одан әрі жетілдірудің және заңдылық қағидаттарын нығайтудың негізі болып табылатын конституциялық нормаларды жан-жақты зерделеу мен дұрыс түсінудің маңыздылығы атап өтілді. Қызметкерлерге Конституция ережелерін зерделеу жұмыстарын жалғастыру және оларды қызметтік міндеттерін орындау барысында мүлтіксіз сақтауды қамтамасыз ету тапсырылды.
Ақпарат көзі : https://www.gov.kz/memleket/entities/control-kostanay/press/news/details/1241791?lang=ru
Жауап қалдыру