«Таза Қазақстан» акциясы экологиялық жағдайды жақсартуға, елді мекендерді көркейтуге және қоршаған ортаға ұқыпты қарау мәдениетін қалыптастыруға бағытталған. Осы бастама аясында Придорожное ауылында тазалық жұмыстарын жүргізу және тұрғындарға қолайлы жағдай жасау бойынша түрлі іс-шаралар өткізілуде.
Ерекше назар қоғамдық аумақтарды тазалауға, көшелерді, саябақтарды және тұрғын үйлердің маңындағы аумақтарды қоқыстан арылтуға аударылуда. Ауыл тұрғындары, ұйым өкілдері мен жастар сенбіліктерге белсенді қатысып, туған елді мекенінің дамуына өз үлестерін қосуда.
Жұмыстар барысында аумақтарды көгалдандыру жүргізіледі: ағаштар, бұталар мен гүлдер отырғызылып, демалыс орындары абаттандырылады, балалар және спорт алаңдары жаңартылады. Сонымен қатар, шағын сәулет нысандары жөнделіп, сырланады, қураған ағаштар тазартылып, рұқсатсыз қоқыс орындары жойылады.
Тұрғындардың бірлескен күш-жігерінің арқасында Придорожное ауылы таза, көрікті әрі тартымды бола түсуде. «Таза Қазақстан» акциясы халықтың экологиялық мәдениетін арттыруға, қоршаған ортаның жай-күйіне жауапкершілік сезімін нығайтуға және белсенді азаматтық ұстанымды дамытуға ықпал етеді.
Туған ауылдың тазалығы мен көркеюі – әрбір тұрғынның өз өлкесінің жарқын болашағына қосқан үлесі. Тек бірлескен күш-жігердің арқасында ғана Придорожное ауылының сұлулығы мен тазалығын бүгінгі және келешек ұрпақ үшін сақтап қалуға болады.
Ақпарат көзі : https://www.gov.kz/memleket/entities/kostanay-fedorov-voronezh/press/news/details/1242869?lang=ru
Жауап қалдыру