Жасөспірімдердің жазғы демалысын тиімді ұйымдастыру, олардың спортқа деген қызығушылығын арттыру және салауатты өмір салтын насихаттау мақсатында Ұланбел ауылында кіші футболдан жарыс ұйымдастырылды. «Біз діни экстремизм мен терроризмге қарсымыз!» тақырыбымен өткен спорттық шараға ауылдың белсенді жасөспірімдері қатысып, өзара бақ сынасты.
Аталған жарыс жас ұрпақтың бос уақытын мазмұнды өткізумен қатар, оларды спорт арқылы бірлікке, достыққа және отансүйгіштікке тәрбиелеуді көздеді. Сонымен қатар іс-шараның басты мақсаты – жастар арасында діни экстремизм мен терроризм идеологиясының зияндылығын түсіндіру, олардың теріс ағымдарға қарсы дұрыс көзқарасын қалыптастыру және құқықтық мәдениетін арттыру болды.
Жарыс барысында командалар жоғары дайындық деңгейін көрсетіп, тартысты әрі қызықты ойын өрнегін паш етті. Әрбір кездесу спорттық бәсекеге толы өтіп, жас футболшылар жеңіске деген жігері мен шеберлігін көрсетті. Қатысушылар алаңда ұйымшылдық пен командалық рухтың үлгісін танытып, көрермендерге әсерлі сәттер сыйлады.
Футбол бәсекесінің қорытындысы бойынша үздік нәтиже көрсеткен командалар мен ойыншылар марапатталды. Бұқаралық спорттық іс-шаралар өткізу орталығы тарапынан белсенді қатысушыларға естелік сыйлықтар табысталып, жеңімпаз командалар арнайы медальдармен және грамоталармен марапатталды.
Мұндай спорттық іс-шаралар жастардың дене тәрбиесін нығайтып қана қоймай, олардың бос уақытын тиімді ұйымдастыруға, қоғамдық белсенділігін арттыруға және қоғамдағы жат идеологияларға қарсы иммунитет қалыптастыруға ықпал етеді. Сонымен қатар жасөспірімдердің спортқа деген қызығушылығын арттырып, салауатты өмір салтын ұстануға бағыт береді.
Алдағы уақытта да жастар арасында бұқаралық спортты дамытуға, олардың рухани-адамгершілік құндылықтарын нығайтуға және қауіпсіз қоғам қалыптастыруға бағытталған осындай маңызды іс-шаралар тұрақты түрде жалғасын табатын болады.
Ақпарат көзі : https://www.gov.kz/memleket/entities/zhambyl-moyynkum/press/news/details/1241697?lang=ru
Жауап қалдыру