Жетісу облысы Полиция департаменті Қоғамдық қауіпсіздік басқармасының қызметкерлері «Zhetysu Zhastary» және «Талдықорған жастары» жастар ұйымдарының өкілдерімен, колледж студенттерімен және еріктілермен кездесу өткізді.
Іс-шара барысында алкогольдік масаң күйде жасалатын қылмыстар мен құқық бұзушылықтардың алдын алу мәселелері талқыланды. Қатысушыларға спирттік ішімдіктерді тұтынудың кері әсері түсіндіріліп, салауатты өмір салтын қалыптастырудың және заң талаптарын сақтаудың маңыздылығы айтылды.
Кездесу барысында жастар арасында құқықтық мәдениетті арттыруға және бірлескен профилактикалық жұмысты дамытуға ерекше назар аударылды. Полиция қызметкерлері мен жастар ұйымдарының өкілдері құқық бұзушылықтардың алдын алуға, салауатты өмір салтын насихаттауға және «Заң мен Тәртіп» қағидаттарын нығайтуға бағытталған бірлескен іс-шараларды жүзеге асыру мәселелерін талқылады.
Мұндай кездесулер жастардың белсенді азаматтық ұстанымын қалыптастыруға, сондай-ақ құқық қорғау органдары мен қоғам арасындағы өзара ынтымақтастықты нығайтуға ықпал етеді.
Ақпарат көзі : https://www.gov.kz/memleket/entities/mvd-zhetysu/press/news/details/1242666?lang=ru
Жауап қалдыру