Ағымдағы жылдың 18 маусымында Павлодар облысы бойынша Адам құқықтары жөніндегі уәкілдің Өкілі Павлодар облысының Кәсіподақтар аумақтық бірлестігімен бірлесіп, «Павлодарэнерго» АҚ қызметкерлерімен «Энергетика саласы қызметкерлерінің еңбек құқықтары» тақырыбында кездесу өткізді.
Іс-шараның негізгі мақсаты қызметкерлердің құқықтық сауаттылығын арттыру, Қазақстан Республикасының заңнамасында көзделген еңбек құқықтары мен кепілдіктерін түсіндіру, сондай-ақ еңбек қатынастары саласында туындайтын өзекті мәселелерді талқылау болды.
Кездесу барысында қатысушыларға Адам құқықтары жөніндегі уәкіл институтының қызметінің негізгі бағыттары, еңбек заңнамасының ережелері, қауіпсіз еңбек жағдайларын қамтамасыз ету, жұмыс уақыты мен демалыс уақытын сақтау мәселелері, сондай-ақ еңбек құқықтарын қорғау тетіктері түсіндірілді.
Қызметкерлердің әлеуметтік-еңбек құқықтарын қорғаудағы кәсіподақ ұйымдарының рөліне, әлеуметтік әріптестікті дамытуға және жұмыс беруші мен еңбек ұжымы арасындағы сындарлы өзара іс-қимылды нығайтуға ерекше назар аударылды.
Ашық диалог барысында кәсіпорын қызметкерлері өздерін қызықтырған сұрақтарын қойып, еңбек заңнамасын қолдану және өз құқықтарын қорғау мәселелері бойынша қажетті түсіндірмелер алды.
Ақпарат көзі : https://www.gov.kz/memleket/entities/ombudsman-pavlodar-oblysy/press/news/details/1243719?lang=ru
Жауап қалдыру