Екібастұз қалалық Полиция басқармасының басшылығы тергеу бөлімінде қызмет атқаратын жас қызметкер Дильназ Ахмадиеваның адал еңбегін ерекше атап өтті.
Жоғары кәсібилігі, қызметтік міндеттерін жауапкершілікпен атқаруы және мінсіз қызметі үшін Полиция басқармасы бастығының атынан алғыс хат оның әкесі — Максат Ахмадиевичке табысталды.
Салтанатты шарада Полиция басқармасы бастығының тергеу жұмыстары жөніндегі орынбасары Асылбек Қайроллаев сөз сөйлеп, Мақсат Ахмадиевичке қызына берген өнегелі тәрбиесі үшін шынайы ризашылығын білдірді. Ол Дильназдың ішкі істер органдарында абыроймен қызмет етіп, кәсіби даярлығының жоғары деңгейін көрсетіп жүргенін атап өтті.
Кездесу барысында жас офицерлердің жетістіктері көбіне отбасы тәрбиесіне, ата-ананың қолдауына және бала кезден бойына сіңірілген адамгершілік құндылықтарға байланысты екені айтылды.
Ақпарат көзі : https://www.gov.kz/memleket/entities/mvd-pavlodar/press/news/details/1243310?lang=ru
Жауап қалдыру