Туристік полицияның қызметкерлері алғаш рет 2019 жылы Бурабай курорттық аймағында қызметін бастады. Содан бері әр жазда полицейлердің мобильді топтары азаматтардың жаппай демалу орындарында қызмет етеді. Туристік полицияның негізгі міндеті-демалушылардың қауіпсіздігін қамтамасыз ету, консультациялық көмек көрсету және курорт қонақтарына қолайлы жағдай жасау.
Жыл сайын Бурабайға Қазақстанның әр өңірінен, ТМД елдерінен және алыс шетелдерден миллионға жуық турист келеді. Белсенді туристік маусым кезінде қызметкерлер жағалауларда, жағажайларда және танымал көрікті жерлерде қызмет етеді. Азаматтарға ыңғайлы болу және өтініштерге жедел ден қою үшін туристік полицияның стационарлық бекеті Абылай хан алаңына қарама-қарсы орналасқан.
Шетелдік қонақтармен тиімді қарым-қатынас жасау үшін бөлімшеге шет тілдерін еркін меңгерген қызметкерлер тағайындалады. Бұл диалогты жедел құруға, қажетті ақпаратты ұсынуға және туристерге көмек көрсетуге мүмкіндік береді.
Туристік полиция қызметкерлерінің кәсібилігі мен ізгі ниетін Үндістан қонағы Сунил Гопал Кизхекке Ветил жоғары бағалады. Шетелдік танымал қазақстандық курортқа екінші рет келіп, қауіпсіздік пен жайлылықтың жоғары деңгейін атап өтті.
Туристің айтуынша, полиция қызметкерлері әрдайым көмектесуге дайын, сұрақтарға сыпайы жауап береді және қонақтардың демалу кезінде қауіпсіздік пен сенімділік сезімін тудырады.
Туристік маусымның қызған шағында туристік полиция қызметкерлері елдің ең танымал курорттарының бірінде қоғамдық тәртіп пен қауіпсіздікті қамтамасыз ете отырып, демалушылардың сенімді көмекшісіне айналады.
Ақпарат көзі : https://www.gov.kz/memleket/entities/mvd-akmola/press/news/details/1243465?lang=ru
Жауап қалдыру