Атбасар бөлімшелік көліктегі санитариялық-эпидемиологиялық бақылау басқармасының мамандары Атбасар айналым локомотив депосы «ҚТЖ-Жүк тасымалы» ЖШС «Ақмола» филиалының қызметкерлерімен «Кәсіпорындағы жұқпалы емес аурулардың қауіп факторларын бақылау және мониторингілеу», «Сібір жарасының және туляремияның алдын алу» тақырыптарында семинар өткізді. Іс-шара барысында қатысушыларға жұқпалы емес аурулардың негізгі қауіп факторлары, оның ішінде дұрыс тамақтанбау, дене белсенділігінің төмендігі, темекі шегу, алкогольді тұтыну, артық салмақ және стресс туралы түсіндірілді. Сондай-ақ сібір жарасы мен туляремияның алдын алу шаралары, аурулардың таралу жолдары және профилактикасының маңыздылығы жөнінде ақпарат берілді. Семинар соңында қатысушылардың сұрақтарына жауап беріліп, ақпараттық-түсіндіру материалдары таратылды.
Ақпарат көзі : https://www.gov.kz/memleket/entities/departament-kkbtu-na-transporte/press/news/details/1245050?lang=ru
Жауап қалдыру