Алаяқтар WhatsApp желісі арқылы жалған хабарламалар таратуда. Бұл хабарламаларда алаяқтар өздерін «WhatsApp қауіпсіздік орталығы» немесе «ресми тексеру қызметі» ретінде таныстырады.
Сізге келетін хабарламада әдетте мынадай мазмұнда болады:
– «Сіздің аккаунтыңыздан қауіптер анықталды»
– «Аккаунтыңыз бұғатталуы мүмкін»
– «Растау үшін START батырмасын басыңыз»
НАЗАР АУДАРЫҢЫЗ: Қаскөйлер ақпаратты белгісіз жеке нөмірлер арқылы жібереді.
ЕСТЕ САҚТАҢЫЗ:
WhatsApp ешқашан жеке нөмір арқылы қауіп туралы ескерту жібермейді және хабарламаларды тек ресми аккаунтынан ғана жолдайды.
Алаяқтардың басты мақсаты:
– сіздің аккаунтыңызды басып алу
– растау кодтарын ұрлау
– жеке деректеріңізге қол жеткізу
– және сіздің атыңыздан басқа адамдарды алдау
Бір ғана қате қадам – аккаунтыңыз толық бақылаудан шығады!
ЕШҚАШАН БАСУҒА БОЛМАЙДЫ:
– “START”
– “VERIFY”
– кез келген күмәнді сілтеме
– немесе растау кодтарын енгізу
Қорғану ережелері:
Күмәнді хабарламаны ашпаңыз Сілтемелерге өтпеңіз Кодтарыңызды ешкімге бермеңіз Бейтаныс нөмірлерді бұғаттаңыз Хабарламаны бірден өшіріңіз
Бұл – жай ғана хабарлама емес. Бұл – сіздің аккаунтыңызды, ақшаңызды және жеке деректеріңізді ұрлауға бағытталған нақты шабуыл!
Өз қауіпсіздігіңіз өз қолыңызда! Қырағылық танытыңыз, жақындарыңызды да ескертіңіз!
Ақпарат көзі : https://www.gov.kz/memleket/entities/mvd-abay/press/news/details/1244535?lang=ru
Жауап қалдыру