Астанада Мал шаруашылығы және Ветеринария қызметкерлерінің кәсіби мерекесіне арналған салтанатты іс-шара өтті.
Оған Үкімет мүшелері, ғылыми қауымдастық өкілдері, фермерлер, аграрлық кәсіпорындардың басшылары және еліміздің барлық өңірінен келген сала ардагерлері қатысты.
Жиналғандар алдында Премьер-министрдің орынбасары Ұлттық экономика министрі Серік Жұмангарин құттықтау сөз алып, Қазақстан Республикасының Премьер-министрі Олжас Бектеновтің ыстық лебізін жеткізді.
«Ауыл шаруашылығы саласының дасым бағыттарының бірі – мал шаруашылығы. Бұл сала еліміздің азық-түлік қауіпсіздігін қамтамасыз етуде де маңызды рөл атқарады. Мемлекет басшысының тапсырмасына сәйкес Үкімет алдағы бес жылға арналған Мал шаруашылығын жане ветеринарияны дамытудың кешенді жоспарларын бекітті. Бұл құжаттар саланы сапалы жаңғыртуға, оның тиімділігі мен басекеге қабілеттілігін арттыруға негіз болады», – деді вице-премьер.
Биыл мал шаруашылығына жеңілдетілген кредит беру бағдарламаларына 300 млрд теңге белінді. Мемлекеттік қолдаудың жаңа тетіктері өндіріс көлемін ұлғайтуға, өнімділікті арттыруға және ауыл шаруашылығы тауарын өндірушілер үшін қосымша мүмкіндіктер жасауға жол ашады.
«Үкімет алдағы уақытта да заманауи технологияларды енгізуге, экспорттық әлеуетті дамытуға, өткізу нарықтарын кеңейтуге жане ауыл еңбеккерлерінің әл-ауқатын арттыруға қажетті жағдай жасауды жалғастырады», – деп атап өтті Серік Жүмангарин.
Ал Ауыл шаруашылығы министрі Айдарбек Сапаров өз сезінде:
«Биыл біз екі саланың мамандарын бірге құттықтап отырмыз. Мұның өзіндік мәні бар. Себебі қазіргі заманғы мал шаруашылығы мен тиімді ветеринариялық қызмет бір-бірінен ажырамас ұғымдар. Сіздер бірлесе отырып Қазақстан экономикасының маңызды саласының тұрақты дамуына үлес қосып келесіздер.
Былтырғы жылдың қорытындысы бойынша мал шаруашылығы өнімінің жалпы көлемі 3,8 трлн теңгеге жетіп, 3,3%-ға өсті.
Мемлекет басшысының тапсырмасына сәйкес 2026-2030 жылдарға арналған Мал шаруашылығын дамытудың кешенді жоспары әзірленді. Құжат саланы сапалы жаңғыртуды, өндіріс көлемін ұлғайтуды жане мемлекеттік қолдау тиімділігін арттыруды көздейді», – деді.
Кешенді жоспар аясында асыл тұқымды мал сатып алуға, айналым қаражатын толықтыруға жане жайылымдық инфрақұрылымды дамытуға арналған «Игілік», «Береке» және «Жайлау» жаңа жеңілдетілген несие өнімдері іске қосылды.
Өнімділікті арттыру мақсатында малды өсірудің заманауи технологияларын енгізуге мемлекеттік қолдау күшейтіліп, асыл тұқымды мал шаруашылығын дамытуға арналған ынталандыру шаралары кеңейтілуде.
Министр ветеринария саласының жетістіктеріне де ерекше тоқталды.
«Заманауи мал шаруашылығын тиімді ветеринариялық жүйесіз дамыту мүмкін емес. Биыл 2020-2030 жылдарға арналған Ветеринарияны дамытудың кешенді жоспары қабылданды. Ұзақ жылдардан бері алғаш рет ветеринариялық қызметтің инфрақұрылымын жаксартуға қаржы бөлініп, сала мамандарының еңбекақысын кобейтуге жол ашылды»,- деді министр.
Кешенді жоспар аясында ветеринариялық инфрақұрылым нысандарын салу және жаңғыртуға, зертханаларды заманауи жабдықтармен қамтамасыз етуге, мамандандырылған автокөлік паркін жаңартуға әрі материалдық-техникалық базаны нығайтуға 66 млрд теңге қарастырылған. Бұдан бөлек, ветеринария мамандарының жалақысын арттыруға және саланың кадрлық әлеуетін дамытуға 22 млрд теңге бөлінбек.
Салтанатты рәсім аясында мемлекеттік және ведомстволық наградалар табыс етілді.
Серік Жұманғарин мал шаруашылығы мен ветеринария саласының үздік мамандарына Қазақстан Республикасы Премьер-министрінің Алғыс хаттарын табыс етті.
Одан әрі Айдарбек Сапаров ведомстволық наградалар медальдар, төсбелгілер және Құрмет грамоталарын тапсырды.
Ақпарат көзі : https://www.gov.kz/memleket/entities/zhetysu-karatal-eskeldi/press/news/details/1252872?lang=ru
Жауап қалдыру