Қалалық мәслихаттың әлеуметтік сала мәселелері жөніндегі тұрақты комиссиясының төрағасы Т.Шмидт пен экономика және бюджет мәселелері жөніндегі тұрақты комиссиясының төрағасы М.Маликова Екібастұз қаласының білім беру нысандарына бірлескен жұмыс сапарын жүргізді.
Көшпелі мониторингке қалалық білім беру бөлімінің басшысы Л.Дисюпова да қатысты. Жұмыс тобының мүшелері № 9 жалпы орта білім беретін мектеп пен № 35 мектеп-гимназиясындағы жөндеу жұмыстарының барысын тексерді, сондай-ақ 31-ші шағын аудандағы балабақша ғимаратын қалпына келтіру бойынша ауқымды жобаны инспекциялады. Бірлескен сапардың басты мақсаты – жөндеу сапасын, жұмыс қарқынын, бюджет қаражатының тиімді игерілуін және нысандардың балаларды қабылдауға дайындығын бақылау.
Аралау нәтижесі бойынша мердігерлік ұйымдардың келісімшарттық міндеттемелер шеңберінде қойылған міндеттерді орындап жатқаны атап өтілді. Мониторингтік сапарлар жалғасатын болады.
Ақпарат көзі : https://www.gov.kz/memleket/entities/maslihat-pavlodar-ekibastuz/press/news/details/1252664?lang=ru
Жауап қалдыру