ШҚО прокуратурасы мен С. Аманжолов атындағы ШҚУ «Бірлікте – күш» жобасының қатысушыларына оқу гранттарын табыстады Облыс прокуратурасы 2025 жылы енгізілген «Күш – бірлікте» жобасын іске асыруды жалғастыруда, оның аясында кәмелетке толмағандарға тәлімгерлік ұйымдастырылады.
Еске сала кетейік, жоба жасөспірімдерге құқықтық және әлеуметтік-психологиялық қолдау көрсетуге, өмірлік бағдарларын қалыптастыруға жәрдемдесуге және оларды қоғамдық пайдалы қызметке тартуға бағытталған. Аталған бастама заң мен тәртіп идеологиясын тікелей көрсетеді және құқықтық сананы қалыптастыруға, жасөспірімдер ортасындағы деструктивті мінез-құлықтың алдын алуға бағытталған.
Қамқорлық аясында жобаға ең белсенді қатысушылар С. Аманжолов атындағы Шығыс Қазақстан университеті басшылығының қолдауымен жоғары оқу орнында заң мамандығы бойынша білім алуға арналған білім беру гранттарымен марапатталады. Биыл мұндай грантқа облыстың екі мектеп түлегі ие болды. Бүгін облыс прокурорының орынбасары Сабыржан Оңалбаев пен ШҚУ ректоры Мұхтар Төлеген Алтай ауданы №9 орта мектебінің түлегі Мерей Құрмановқа грант табыс етті. Тағы бір білім беру грантын Ұлан ауданының прокуратурасы аудандық орта мектептің түлегі Саян Маутхановқа табыс етті.
Болашақ студенттер мен олардың ата-аналары прокуратура мен университет басшылығына қолдау көрсеткені және еліміздің жетекші жоғары оқу орындарының бірінде тегін жоғары білім алуға мүмкіндік бергені үшін алғыстарын білдірді. Қамқорлық тәжірибесі және жоба қатысушыларын білім беру гранттары арқылы ынталандыру игі дәстүрге әрі сабақтастықтың тиімді құралына айналды. Барлық түлектер оқуын аяқтағаннан кейін прокуратура органдарына қызметке орналасуға ниет білдірді. 2025 жылы осындай алғашқы грантты Алтай ауданы №11 орта мектебінің түлегі Екатерина Малиновская алып, қазіргі уақытта С. Аманжолов атындағы университеттің бірінші курсын сәтті аяқтады.
Облыс прокуратурасы алдағы уақытта да тәлімгерлік институтын және «Бірлікте – күш» жобасын дамытуды жалғастырады.
Шығыс Қазақстан облысының прокуратурасы
Ақпарат көзі : https://www.gov.kz/memleket/entities/prokuratura-vko/press/news/details/1251787?lang=ru
Жауап қалдыру