Түркістан облысы Полиция департаментінің Оқу-жаттығу взводының қызметкері Нұрболат Орынтай белтемірге тартылудан өткен облыстық жарыста І орынды жеңіп алды.
Спорттық іс-шара Қазақстан Республикасы Ішкі істер министрі Е. Саденовтің тапсырмасын іске асыру аясында Түркістан қаласындағы «Эко парк» аумағында ұйымдастырылды.
«Жаңа Конституция – жастардың құқықтық мәдениеті: тәртіпке тартылу» ұранымен өткен турнирге түрлі сала өкілдерінен 100-ден астам қатысушы жиналды. Жарысқа қатысушылар жоғары дайындық деңгейін көрсетті. 29–34 жас санатында сынға түскен Нұрболат Орынтай үздік нәтиже көрсетіп, табандылығы мен спорттық шеберлігінің арқасында І орынға ие болды. Жеңімпазды Түркістан облысы Полиция департаментінің бастығы А. Заппаров құттықтады. Полицейге облыс әкімінің І дәрежелі дипломы табыс етілді.
Мұндай жетістіктер полиция қызметкерлерінің қызметтік міндеттерін абыроймен атқарып қана қоймай, бұқаралық спортты дамытуға белсенді үлес қосып, салауатты өмір салтын насихаттап, жастарға үлгі болып жүргенін айқын көрсетеді.
Ақпарат көзі : https://www.gov.kz/memleket/entities/mvd-turkistan/press/news/details/1252527?lang=ru
Жауап қалдыру