2026 жылғы 03 шілдеде Zoom платформасында медициналық қызметті лицензиялаудың жаңа талаптары бойынша Қазақстан Республикасы Ұлттық кәсіпкерлер палатасы «Атамекен» қолдауымен денсаулық сақтау саласының жекеменшік субъектілерімен кездесу өтті.
Іс-шара барысында медициналық қызметті лицензиялаудың жаңа талаптары, нормативтік-құқықтық актілерге енгізілген өзгерістер, сондай-ақ лицензия алу және қайта ресімдеу кезінде туындайтын практикалық мәселелер талқыланды.
Кездесуге қатысушылар лицензиялық талаптардағы негізгі өзгерістермен танысып, оларды қолдану тәртібі бойынша түсіндірмелер алды. Сондай-ақ медициналық қызметтердің сапасын арттыру, медициналық ұйымдардың қолданыстағы заңнама талаптарына сәйкестігін қамтамасыз ету және мемлекеттік органдар мен бизнес өкілдері арасындағы өзара іс-қимылды нығайту мәселелеріне ерекше назар аударылды.
Онлайн-кездесу қорытындысы бойынша қатысушылар лицензиялау рәсімдерін жетілдіруге және денсаулық сақтау жүйесін одан әрі дамытуға бағытталған ұсыныстармен алмасты.
Ақпарат көзі : https://www.gov.kz/memleket/entities/dkmfk-almaty-oblast/press/news/details/1253893?lang=ru
Жауап қалдыру