Шымкент қаласы ТЖД Өнеркәсіптік қауіпсіздік басқармасы инспекторларының қатысуымен «Шымкент Химиялық Компаниясы» АҚ-ның метанол құю станциясында жоспарлы оқу-жаттығу жиыны өткізілді.
Шара ҚР «Азаматтық қорғау туралы» және «Өнеркәсіптік қауіпсіздік туралы» заңдарының талаптарына сәйкес ұйымдастырылды. Негізгі мақсаты – технологиялық персоналдың төтенше жағдайлардағы жедел іс-қимылға дайындығын тексеру және зауыт қызметтерінің өзара үйлесімділігін пысықтау. Сценарий бойынша метанол құю станциясындағы LO-201 қондырғысының фланецті қосылысынан өрт шыққан жағдай модельденді. Оқу-жаттығуға №1 технологиялық бригада, «АзияТехПожСервис» ЖШС және нысанның медициналық пункті жұмылдырылды. Сондай-ақ, қызметкерлердің авариялық жағдай кезіндегі міндеттерін білу деңгейі, жедел қызметтерді шақыру жылдамдығы, апатты жою бойынша практикалық іс-қимылдар, №832 өрт сөндіру блогын қолмен қосу дағдылары және арнайы құрылымдардың уақтылы келуі тексерілді.
Нәтижесінде қатысушылардың іс-қимылы қанағаттанарлық деп бағаланды. Анықталған кемшіліктерді жою бойынша нақты тапсырмалар берілді. Мұндай тәжірибелік сынақтар өнеркәсіптік қауіпсіздік талаптарын сақтауда шешуші рөл атқарады.
Ақпарат көзі : https://www.gov.kz/memleket/entities/kpb/press/news/details/1255099?lang=ru
Жауап қалдыру