- От жақпаңыз
Отты тек арнайы белгіленген орындарда жағыңыз, егер ондай орын болмаса, шұңқыр қазып, отты оның ішінде жағыңыз. Бұл оттың орманға таралу ықтималдығын азайтады. Өзіңізге қауіпті болуы мүмкін жанғыш заттарды (бензин, тұтандырғыш сұйықтықтар) пайдаланбаңыз. Отқа мұқият қараңыз, себебі желдің бір соққысы отты бүкіл орманға таратуы мүмкін, әсіресе ауа райы құрғақ, жапырақтар мен бұтақтар көп болса. Табиғатта демалыс аяқталған кезде, отты құм немесе су арқылы сөндіріп тастауды ұмытпаңыз.
- Қоқыс қалдырмаңыз
Табиғатта демалғаннан кейін барлық қоқысты жинап, өзіңізбен бірге алып кетіңіз. Сынық шыны қалдырмаңыз, себебі ол құрғақ шөпті лупа сияқты тұтатып жіберуі мүмкін. Қажетсіз пластикалық бөтелкелерді, жанғыш сұйықтық салынған канистрлерді жақын маңдағы қайта өңдеу пунктіне өткізіңіз немесе қоқыс жәшігіне тастаңыз.
- Белгісіз су айдындарында жүзбеңіз
Егер табиғатта демалысыңыз су айдынының жанында өтсе және жүзгіңіз келсе, сақтық шараларын есте сақтаңыз. Жақсы жүзбейтін адамдар белгіленбеген және белгісіз су айдындарына түспегені дұрыс. Ластанған су айдындарында жүзбеңіз.
- Балаларды бақылаңыз
Табиғатта демалған кезде балалардың сізден алыс кетуіне жол бермеңіз, олар қай жерде ойнап жүргенін қадағалаңыз. Себебі жарлы немесе тасты жерлерде ойнау қауіпті болуы мүмкін. Табиғатқа зиян келтірмеңіз. Құстардың ұяларын және жабайы жануарлардың үңгірлерін бұзбаңыз. Балаларға жәндіктерді ұстатпаңыз, олар қауіпті болуы мүмкін.
Ақпарат көзі : https://www.gov.kz/memleket/entities/sko-ualikhanov-telzhan/press/news/details/1252931?lang=ru
Жауап қалдыру